Sikat ang eucalyptus essential sa mga household na naniniwala na ang essential oils ay may benepisyong hatid dahil magagamit ito bilang natural na lunas. Ang eucalyptus oil ay kadalasang ginagamit sa mga ubo o sipon. Ang langis ng eucalyptus ay mula sa steam distillation ng mga dahon ng eucalyptus tree. Sa mga aborigines ng Australia, ginagamit ang dahon ng eucalyptus panapal sa mga sugat. Bahagyang papainitin ito sa baga, didikdikin at ito ang itatapal sa sugat ng isang tao.
At ang dahon daw ng eucalyptus tree ang paboritong pagkain ng mga koala bear sa bansang Australia.
Australia noon ang main producer ng eucalyptus oil at eucalyptus essential oil. Pero kung nakabili ka ng langis ng eucalyptus na made in spain o china o iba pang bansa, huwag magtaka dahil iba´t ibang bansa na ang exporter nito. At siya rin ang dahilan kung bakit ito abot kaya sa bulsa.
Saan ginagamit ang eucalyptus essential oil
Maraming iba’t ibang gamit ang eucalyptus essential oil dahil marami itong benepisyong hatid.
- Skin and hair care
- Perfume o pabango
- Natural na lunas
- Aromatherapy
- Massage
Benepisyo ng Eucalyptus essential oil sa Balat at Buhok
Toning properties
Ang eucalyptus ay may toning properties. Nakakatulong ito na tanggalin ang mga dumi, dead skin cells o excess sebum na nakabara sa pores. Makakatulong din ito na matanggal ang blackheads o whiteheads sa balat.
Simple lang ang paggamit ng eucalyptus essential oil para magbenepisyo sa toning properties nito. Maaari mo itong gamitin pag nagsteam ng mukha.
Ang recipe na kadalasan kong ginagamit ay 3 drops of essential oil per cup of hot water.
Pwede ring gamitin ito kasama ng ibang sangkap na may toning properties pag gumawa ng toner.
Anti-dandruff
Dahil sa anti-fungal at anti-bacterial properties ng eucalyptus essential oil, maaari itong gamitin kung may problema sa dandruff o balakubak o kung may pangangati sa anit.
Kung may balakubak o nangangati ang anit, patakan ng eucalyptus essential oil ang gagamiting shampoo. Maaari mo itong gawin 3 beses sa isang linggo.
Kung dahon naman ng eucalyptus ang available sayo, maaari kang gumawa ng concoction o tea at ito ang gamiting pang huling banlaw sa iyong buhok.
Paggamit ng Eucalyptus essential oil sa paggawa ng pabango
Ang eucalyptus essential oil ay ginagamit bilang middle note o top note sa paggawa ng pabango.
Ito ay may fresh, minty o menthol aroma. Kaya kung plano ninyong gumawa ng pabango na may refreshing scent, i-consider ang paggamit ng eucalyptus essential oil.
Benepisyo ng Eucalyptus essential oil bilang Natural na Lunas
Magagamit mo ang eucalyptus essential oil bilang natural na lunas sa iba´t ibang uri ng karamdaman kagaya ng;
- Ubo at sipon
- Sakit sa katawan at kasukasuan
- Insect repellant at insect bite
Ito ay may anti-viral properties kaya ito ang essential oil na kadalasang ginagamit kung may ubo at sipon. Makakatulong din ito bilang natural na expectorant.
Maaari kang gumawa ng liniment, salve o balm. Pag tinatamad ka, haluan lamang ng 3-5 patak ng eucalyptus essential oil ang 10g ng carrier oil, at pwede na itong ipahid sa dibdib, pang masahe. Kung gusto mo ng solidong produkto, magdagdag lamang ng wax. Ang common na wax na maaaring gamitin ay ang beeswax.
Kung gagamitin ito bilang insect repellant at sa insect bite, magandang dagdagan ng citronella essential oil.
Nakakatulong din daw ang eucalyptus essential oil sa pagpapalakas ng immunity ng ating katawan. Isa ito sa essential oil sa paggawa ng 4 thieves oil.
Benepisyo ng Eucalyptus essential oil sa Aromatherapy
Ang benepisyo naman ng eucalyptus essential oil kung gagamitin sa aromatherapy ay makakatulong daw ito sa concentration, depression at pagod. Maaari mong haluan ang iyong diffuser ng iba pang essential oil na may kaparehong benepisyo.
Benepisyo ng Eucalyptus essential oil sa pagmamasahe
Ang eucalyptus essential oil ang kadalasan kong ginagamit sa aking massage oil dahil ito ay natural na analgesic. Nakakatulong na maibsan ang pananakit ng ulo o inflammation sa katawan.
Isa ito sa sangkap sa paggawa ko ng sarili kong version ng Efficascent oil gamit ang camphor oil at DIY vaporub.
Gabay sa paggamit ng Eucalyptus essential oil
INCI– Eucalyptus globulus
Usage rate– depende sa paraan ng paggamit.
Solubility– alcohol and oil
Perfume note– NOTES: middle and top
Color & texture– white
Ginagamit sa– skin and hair care, perfume, natural na lunas, massage, aromatherapy
Spiritual & Magical uses
Protective measures/ Contraindication– i-dilute sa carrier oil bago gamitin, magsagawa ng skin test o patch test, huwag gagamitin kung buntis, may high blood pressure at hindi pwedeng gamitin ng mga bata.
Storage– brown bottle at ilayo sa sinag ng araw o ilaw.